مجلة مملكة الحب //بقلم محمد النعماني
غربه ودمع عين
*********************
غربه ودمع عين ودِمَه اتهِلْ
فراگك يروحي بگلبي يفتل
من اسمع بطاريك أجفل
يعراگ بيك اغفه اريدن
*****
غربه ودمع عين وحزن داگ
بواگ هذا الوكت بواگ
وشّلت صبري شلون يعراگ
وأيوب صبره وگوف ازيدنْ
******
غربه ودمع عين وجفن رَفْ
ماظل دمع كل الدمع شَفْ
بس من يمر طاريك ارجف
يعراگ بيك اغفه اريدن
******
غربه ودمع عين وسَحِن روح
مجروح من كل كِتر مجروح
بس دجله طِب يداوي الجروح
بجروفه انه اغفه واهيدن
**********
محمد النعماني// العراق
تعليقات
إرسال تعليق